Eivør

Eivør hevur sum ein av teimum bjartastu stjørnunum í Norðanlondum bergtikið áhoyrarar um alla verðina við sínum serstaka tónleiki og karisma. Hon valdi á heilt ungum árum at víga sítt lív til tónleikin, og í dag er hon ein búgvin og royndur altjóða artistur við óteljandi konsertframførslum, og fleiri virðislønum og fløgum á bakinum.

Tað, sum ger Eivør so serstaka, er ikki bert hennara bergtakandi rødd, hennara frálíka sangskriving og lagasmíð, og hennara framúr góðu konsertframførslur, men eisini tað, at hon sum tónleikaartistur fevnir so víða, bæði tá tað snýr seg um tónleikasjangrur, og tá tað snýr seg um listarlig úttrykk. Eivør nemur altíð við áhoyrarnar við sínum heilt egnu framúrskarandi tónleikarligu eyðkennum.

Limir í bólkinum

Eivør Pálsdóttir, sang
Benjamin Petersen, guitar
Mikael Blak, bass
Høgni Lisberg, trummur

© 2010 Tonleikur.fo I Sitemap I Teldupostur I Telefon 21 41 41 I