Hallur Joensen

Countrykongurin í Føroyum í løtuni eitur Hallur Joensen. Klaksvíkingurin, sum byrjaði sína yrkisleið sum tónleikari í Danmark í 90’unum, er nú heimskendur í Føroyum fyri egnar tulkingar av víðagitnum country-sangum.

Umframt at hava givið tvær fløgur út – “Pickin’ Time In Nashville” (2008) og “Smile” (2009) – er Hallur eisini virkin hvørt vikuskifti við framførslum av ymsum slag. Countrykonsertir, gospelkonsertir, stevnudansir og annað. Ein tann minniligasta framførslan man vera, tá hann framførdi ”Kiss an Angel Good Morning” saman við Charle Pride í Ítróttarhøllini á Nabb í 2009. Men tað er ikki bara í Føroyum, at Hallur er væl umtóktur. Eisini hava útvarpsstøðir bæði í Japan og ymsastaðni í Evropa valt at seta løg og útsetingar hjá føroyska countrykonginum í umfar.

Áhoyrararnir hjá Halli kunnu gleða seg til ektaðan og hjartaligan country-sang, sum hevur bæði beinini plantað væl á jørðini, og sum samstundis svingar so tað ikki ber til at standa ella sita stillur.

© 2010 Tonleikur.fo I Sitemap I Teldupostur I Telefon 21 41 41 I