Kristian Blak

Fá munnu vera tilknýtt so nógvum tónleikaligum virksemi sum tónaskaldið og tónleikarin Kristian Blak. Hann komponerar fyri altjóða klassisk ljómlið, og framførir á konsertferðum í Føroyum og uttanlanda sum tónleikari og leiðari av bólkum innan jazz, fólkatónleik og verðinstónleik. Tónleikurin hjá Kristian Blak fevnir um nógvar sjangrur, og afturat føroyskum tónleikarum og bólkum so sum Yggdrasil, Spælimenninir og Kvonn, arbeiðir Kristian Blak eisini ofta við altjóða tónleikarum og ljómliðum so sum the Moyzes Quartet, John Tchicai, Anders Jormin og Rasmus Lyberth. Kristian Blak hevur eisini ein týðandi lut í tónleikalívinum og innan tónleikafeløg í Føroyum, og hann er høvuðsmaðurin aftan fyri plátufelagið Tutl.

© 2010 Tonleikur.fo I Sitemap I Teldupostur I Telefon 21 41 41 I