Kvonn

Bólkurin Kvonn bleiv stovnaður í 2006. Tó hava limirnir í bólkinum spælt saman í fleiri ár - nøkur í bólkinum Spælimenninir, ið bleiv stovnaður í 1974, og sum enn er virkin. Bólkurin Kvonn er uppkallaður eftir kvinnuliga liminum í bólkinum, Angelika Nielsen. Hvonn, ella Kvonn, eitur á latín Angelica Archangelica. Avgjørt var at stava navnið á bólkinum við "K", sum Svabo, ið eisini var spælimaður, skrivaði tað. Harafturat er Kvonn eitt navn, sum øll beinanvegin kunnu úttala rætt uttanlanda.

Kvonn hevur innspælt fløgu. Á fløguni eru løg í spælimannastíli eftir Ívari Bærentsen, Angeliku Nielsen og Kristian Blak. Bólkurin kann sostatt burturav spæla egin løg á konsertum. Harafturat kann bólkurin spæla traditionellan norðurlendskan og keltiskan spælimannatónleik bæði til dans og til konsert, umframt løgini frá nótabók Svabos frá 1775.

Limir í bólkinum:

Angelika Nielsen
Mikael Blak
Kristian Blak
Sharon Weiss
Ívar Bærentsen

© 2010 Tonleikur.fo I Sitemap I Teldupostur I Telefon 21 41 41 I