Ólavur Jakobsen

Ólavur Jakobsen gekk á tí Kongaliga Danska Musikkonservatoriinum við Ingolf Olsen, har hann bleiv útbúgvin í 1995. Hann hevur síðani lært í Paris hjá tí franska gittarleikaranum Roland Dyens, og hevur luttikið í úrvalsliðum hjá Sir Julian Bream, David Russell, Goran Sollscher og øðrum. Í nøkur ár arbeiddi Ólavur Jakobsen sum freelance tónleikari í Keypmannahavn, har hann var limur í Corona Guitar Quartet og var á konsertferðum sum kamartónleikari og solistur. Ólavur Jakobsen hevur verið við á frumframførslum hjá einum ótali av tónlistaverkum hjá donskum og føroyskum tónaskøldum, til dømis Per Nørgård, Axel Borup-Jørgensen, Pierre Dørge, Sunleif Rasmussen, Edvard Nyholm Debess og Kristian Blak. Harafturat hevur Ólavur Jakobsen spælt saman við fleiri populerum listafólkum, umframt tí íslendska ljómliðinum CAPUT og tí danska Orchestra Collegium Musicum. Ólavur Jakobsen arbeiðir eisini sum tilrættisleggjari, framleiðari og tónleikalærari, og er ein av stovnarunum av Aldubáruni.

© 2010 Tonleikur.fo I Sitemap I Teldupostur I Telefon 21 41 41 I