Tónleikur.fo er eitt booking felag, ið veitir tónleik og undirhald til virki, stovnar, feløg, spælistøð, stevnur, festivalar og privatpersónar í øllum landinum.

Vit umboða eitt breitt úrval av tónleiki og undirhaldi til eitthvørt høvið - frá størri tiltøkum til ta minstu privatu veitsluna: firmaveitslur, móttøkur, jólaborðhald, ráðstevnur, ferniseringar, brúdleyp, føðingardagar, konsertir, og øll sløg av privatum veitslum – hvørt tað snýr seg um tónleik og undirhald til borðhaldið, tónleik aftur við felagssangi, dansitónleik, ella at fáa til vega skiparar til føroyskan dans.

Okkara visión við hesi heimasíðuni er at samla útboðið av tónleiki og undirhaldi á einum stað, so tað er lætt at finna hjá fyriskiparum av tiltøkum. Fyrimunirnir við at bíleggja tónleik og undirhald gjøgnum okkum er, at vit veita trygd fyri, at tit fáa tónleik og undirhald til tykkara tiltak. Vit hava yvirlit yvir nógvar artistar, og er onkur upptikin, kunnu vit altíð fáa fatur í einum øðrum. Vit fylgja harafturat væl við og hava samband við alt tað nýggja innan tónleik og undirhald. Setið tykkum í samband við okkum, og vit hjálpa tykkum at velja tann rætta tónleikin og tað rætta undirhaldið til tykkara tiltak.

Henda heimasíðan verður javnan dagførd, so um tú hevur viðmerkingar, rís ella rós, góð hugskot, ynskir at bíleggja eitt av okkara listafólkum, ella annað, so ert tú vælkomin at seta teg í samband við okkum á telduposti tonleikur@tonleikur.fo ella á telefon 21 41 41.

© 2010 Tonleikur.fo I Sitemap I Teldupostur I Telefon 21 41 41 I